Müasir mühərriklər xüsusi proqramlaşdırılmış idarə etmə modulları ilə təchiz edilib və mühərrikdəki bütün prosesləri izləyir, analiz edir və göstəricilərə uyğun olaraq mühərrikin səlis, müntəzəm işləməsini təmin edir.

Yuxarıdakı şəkildən göründüyü kimi mühərrik sistemində nasazlıq olduqda, idarəetmə moduluna həmin nasaz hissədən məlumatlar ötürülür. Bu halda sürücü məlumat panelində öz əksini tapır və ya elə bir nasazlıqlar olur ki, nasazlıq kimi bildirmir, mühərrikdə qeyri müntəzəm işləyir. Bu o deməkdir ki, idarəetmə moduluna ötürülən məlumatlar digər göstəricilərin məlumatları ilə uyğun deyil. Belə olan halda elektron modul, uyğun olan və uyğun olmayan məlumatların nəticəsinə görə mühərriki işlətməyə çalışacaq.

Bu tip nasazlıqlar sensorların çirkli olması, nasaz sensor, mexaniki hissələrdəki nasazlıqlar, elektrik kabellərində keçiriciliyin aşağı olması və bir çox səbəblərə görə ola bilər. Nəqliyyat vasitəsinin əsaslı yoxlanılması onun daha da uzun ömürlü olması deməkdir.